LGS Péiteng » Schung

Eng Valise kompakt apaken

Gilles — Thu, 12 May 2011 07:00:46 +0000

Mer haten schon emol en Artikel doriwwer wéi een en Rucksak apaken soll, hei ass en Video dee weist wéi een sech kann uleeën fir en Maximum an eng Valise dran ze paken.

D’Kleeder ginn deelweis an den Schung verstaut, den Rescht gëtt gerullt fir Plaz ze spueren an Falen ze evitéieren. Déi schwéier Kleeder kommen ënnen, déi méi liicht uewen, well déi sech besser zesummen drécke loossen.

(via lifehacker.com)

Zeitungspabeier an d’Schung

Gilles — Fri, 19 Feb 2010 11:00:53 +0000

De Fredi huet eis dëse kuerzen awer effektiven Scoutstrick eran geschéckt:

Nuets iwer Zeitung an d’Schung maan, dann sin dei och weinstens moies drechen bannen dran.

An nach dobäi as den Zeitungspabeir dann moies opmannst méi drëchen fir d’Feier unzefänken wéi wann en géif einfach esou am Zelt leien!

Schung méi séier strécken

Gilles — Fri, 29 Jan 2010 07:00:54 +0000

Wann ee moies vum Chef aus dem Bett getrommelt get as et net fir lang ze trentelen. De Butték muss rullen. All Grond also dëse klenge Knuetstrick ze léieren, mat deem een mat e bëssen Übung d’Schung méi séier gestréckt kritt. D’Resultat as den normalen Schungknuet deen der warscheinlech schon all kennt, mee dat Ganzt geet méi féx vun der Hand.

Kuckt ierch dat ganz Schrëtt fir Schrëtt am Detail un, um Link hei drënner:

Ian’s Knot (fieggen.com) (via Lifehacker)

Spläiteren mat enger Banann eraushuelen

Gilles — Fri, 22 Jan 2010 13:05:23 +0000

Photo vum *clairity*

Dëst as den éischten Artikel aus enger Série vu Scoutstricken déi mer wëllen op d’Bee stellen. Wann mer genuch Material zesumme kréien, kënne mer regelméisseg flott Scoutstricker hei um Site firstellen. Wanns du ee gudden Trick oder Knëff kenns, so eis et iwwert den Kontakt Formular. Hei as dann eisen éischten Trick:

Eng Bananneschuel kéint hëllefen géint Spläiteren déi net sou richteg wëllen erauskommen. D’Enzymer an der Schuel hëllefen fir d’Spläiter lass ze kréien an fir dass d’Wonn méi séier heelt. Einfach e Stéck Bananneschuel iwwer d’Plaatz peschen a waarden. Dat selwecht hëlleft och géint d’Jucke vun Insektestëch. An der kënnt d’Schuel souguer huelen fir är Schung ze poléieren!

7 Ways to reuse a Banana Peel [re-nest] via Lifehacker.

Hues de dat schon eemol probéiert? Oder kenns du soss nach Manéieren fir Spläiteren eraus ze kréien? So eis et a schreiw e Kommentar bei dësen Trick!