LGS Péiteng

Fir déi ënnert iech wou gären um neisten Stand vun der Technik sinn, ass Android sécherlech näischt onbekanntes. (Et ass en Betriebssystem dat op villen neien Handyen benotzt gëtt.) Den Programm Knots Guide setzt iech eng Lëscht vun 74 Kniet op den Handy, sou dass der der d’Kniet ënnerwee üben kënnt, oder Schrëtt fir Schrëtt nokucken kënnt wéi deen speziellen Fëscherknuet do nach eemol geet.

Eroflueden kënnt der den Programm Knots Guide op AppBrain.

(via lifehacker.com)

Den Flëpp schéckt eis dësen Trick eran:

Wann s de ee Feier wëlls um naasse Buedem maachen, da lee zwee déck Stécker drëchent Holz ënnert d’Zeitung, déi dann net nass gëtt and déi zwee déck Stécker fänken eischter u mat brennen.

Déi vun ierch wou oft doheem Biller ophänken oder soss vill Neel an d’Mauere schloen hun warscheinlech schon genuch Übung mam Hummer fir sech net op d’Fangeren ze schloen. Fir de Rescht vun eis spuert dësen klengen Trick eis e puer gequëtschte Fangeren:

Wann der déi nächste Kéier eppes geliwwert kritt dat mat dene klenge Schaumbullen gepolstert as, haalt ierch der e puer. Wann der wëllt en Nol aklappen, dréckt den Nol duerch d’Bull. Elo hält den Schaum den Nol un, an är Fanger kënnen e bësse méi wäit aus der geféierlecher Zone eraus bleiwen.

Den ganzen Artikel kënnt der op thisoldhouse.com liesen.

Den Gruef deen der rondrëm d’Zelt gezunn hudd war net déif genuch, an de Reen huet den Wee bis era fonnt, oder den Rucksak deen s de mat op den Hike haas war awer net grad esou waasserdicht wéi se am Butték soten – an elo as däin AvEx Pass oder däin Querweltein plätschnaass an d’Säiten peschen uneneen. Kee Problem! Wanns de nees doheem bas, stiech dat naasst Buch an eng Plastikstut ouni ze komplett zou ze maachen. Duerch d’Gefréierprozedur get d’Fiichtegkeet aus dem Pabeier gezunn. Et schéngt fir Bicher am beschten ze klappen wann een se den héige Wee an d’Killtruh stellt. Dat ganzt kann bis zu zwou Wochen daueren, je nodeems wéi déck d’Buch as.
Ech froe mech just ob deen Trick och nach klappt wann d’Buch schon gedrëchent as, oder op d’Säiten dann op éiweg unenee pesche wärten. Vläit hu mer jo e puer Lieseraaten déi dat scho mol probéiert hun a bescheed soe kënnen.
[via Lifehacker]

Den Fränz huet e puer Tipps iwwer d’Rucksakpaken erageschéckt:

E béisen Trick wei een den Hike gudd iwersteet as:
A. sech net verlafen an
B. den Rucksack richtech paken. Am beschten hëllt en just déi Sachen mat déi een brauch. Also am beschten den Plasmabildschirm guer net réischt an den Rucksack machen. En gudd gepakten Rucksack huet déi schwéier Géigestänn déif ënnen an no um Réck leien; déi méi liicht Saachen kënnen méi wäit uewen dran sin. Am beschten soll een den Rucksack ausbalancéieren sou dat en net op enger Säit hänkt. An dat lescht wat en gudd gepakten Rucksack ausmëcht as d’Astellung vun den Gurten: am beschten op séng eegen Gréisst anstellen, an esou dass plus minus d’Halschend vum Gewiicht um Beckengurt as an déi aner Halschend vun der Schëller gedroen get.

Nach e puer weider Tipps iwwer d’Rucksakpaken fannt der op bewaehrungsprobe.de an wanderprofi.ch. Vill Spaass um Hike!